AVIZU BA APREZENTASAUN MAKALA: organizador/a sira husu ba maluk sira atu bele aprezenta makala ne'ebe koalia kona-ba aspeitu saida de'it iha area siensia sosial/umanidade/peskiza sientifiku ne'ebe relasaun ho Timor-Leste. Organizador/a sira konferensia nian simu makala sira hosi akademiku, peskizador/a, ativista, grupu komunidade sira no membru sira governu nian. Ita-boot sira-nia makala iha posibilidade atu publika.
Sub-tema konferensia sei inklui topiku sira hanesan:
­     Politika no relasaun internasional
­     Istoria no tradisaun
­     Kultura no Sosiadade
­     Antropolozia no Arkeolozia
­     Ekonomiku no bisnis
­     Asistensia Dezenvolvimentu Internasional
­     Politika Dezenvolvimentu
­     Agrikultura
­     Politika Saude nian
­     Isu sira kona-ba Jeneiru nian
­     Dalen no Linguistiku sira
­     Edukasaun (inklui edukasaun adultu no popular nian)

SUMARIU MAKALA: halo favor haruka proposta makala sira ne'ebe ho durasaunn minuta 20 nia laran, ho ninia sumariu hamutuk letra 150 haruka ba ami molok loron 27 Marsu 2009,  liu hosi Dr. Michael Leach (Universidade Teknolozia Swinburne) via email: mleach@swin.edu.au

DALEN SIRA BA KONFERENSIA NIAN: Makala dala ruma bele aprezenta iha Dalen Ingleza, Tetum, Portuguesa no Bahasa Indoneszia.
—       Makala iha Dalen Tetum bele mos haruka nia kopia ba Sr. Antero da Silva, Universidade Nasional Timor-Lorosae. anterob@gmail.com  
—       Makala iha Dalen Portuguesa bele haruka nia kopia ba Prof. Nuno Canas Mendes, Universidade  Teknika Lisboa , ncm@iscsp.utl.pt
—       Makala iha Dalen Indonezia bele haruka nia kopia ba Sr. Setyo Budi. budi@infoxchange.net.au 

Back to Top

EVENTU SIRA NE'EBE RELASAUN HO EVENTU IHA LETEN: Depois Konferensia buka hatene kona-ba Timor-Leste ne'ebe mensiona iha leten, sei iha mos Konferensia ida kona-ba Paz, Direitu Umanu no Dezenvolvimentu Sustentabel, ne'ebe  organiza hosi Universidade Victoria, Fakuldade Siensia Sosial no Politika, UNTL, no Asosiasaun Australia-Timor-Leste, ne'ebe sei hala'o iha Dili, iha loron Segunda no Tersa feira, data 6-7 Jullu 2009. Konferensia ida ne'e sei fo atensaun iha orientasaun politika pratiku nian, ne'ebe foku ba iha estudu kazu sira kona-ba pratika ida ne'ebe di'ak, sei konvida orador/a sira no partisipasaun Governu Timor-Leste nian, Universidade Nasional, Sosiadade sivil Timor-Leste, Membru Parlamentu Nasional no grupu sira seluk ne'ebe interese. Atu hatene liu tan informasaun kona-ba konferensia ne'e, favor  bele kontatu  ho Dr Helen Hill helen.hill@vu.edu.au

Konferensia rua ne'e iha ligasaun ba malu no sei aplika diskuntu ba maluk sira ne'ebe hakarak atende hotu konferensia rua ne'e. Ba Maluk Timor-oan sira ne'ebe hakarak atende, osan ba rejistu nian la aplika ba sira.  Iha finda-semana entre konferensia rua ne'e (Sabadu no Domingu 4-5 Jully) sei iha espozisaun kona-ba hasa'e kresimentu ekonomiku ne'ebe sustentabel, istoria Timorensia nian, edukasaun, Dalen sira, literasi no literatur, no tema sira seluk tan. Ezpozisaun ne'e sei loke ba ema hotu. Ikus liu, maluk sira ne'ebe tuir konferensia rua ne'e, se sei iha interese bele mos tuir tan konferensia ida kona-ba Harii Nasaun iha “sidade laran” (urbanu) no iha area rural sira Timor-Leste nian, ne'ebe sei hala'o hosi loron 8-10 Jullu 2009. Kona-ba ninia detalle bele hare iha http://www.timor-leste.org/events/nationbuilding.html Konferensia tolu ne'e iha ninia meta no audensia sira differenti, maibe konferensia ne'e hala'o tutuir malu atu fasilita partisipasaun masimu ba maluk sira ne'ebe mai iha Dili iha Fulan Jullu 2009.

Back to Top